| Regeszta
| (Ztreza, fasc. 5. nr. 9.) Dezem Máté Ztreza-i plébános végrendelete. ”Domino episcopo Zagrabiensi lego unum vas vini triginta sex cubulos in se continens. Item per dominum Urbanum misi egregio domino Stephano patrono ipso octo florenos, quos lego eidem domino et patrono meo. Item executores mei habebunt quadraginta tres florenos, de quibus dent fratri Briccio heremite duos florenos pro emendo quodam libro ad predicendum verbum dei eidem necessario. Item fratribus heremitis in Streza ipsi executores dent sex florenos, residuum autem pecunie exponant ad peracciones. Item similiter executores de predicta pecunia dent quinque florenos Benkoni, filio sororis mee. Item similiter alios quinque florenos dent Dorothee, filie sororis mee. Item tria vasa vini, que habeo in monasterio heremitarum, lego ad aram ibidem per me fundatam, ut emant necessaria ad eandem pertinencia, quia vineam feci colere cum pecunia propria plus quam per colonos. Item librum breviarii in pergameno valentem duodecim florenos lego ecclesie mee pro bonis et rebus, quas habui ab eadem ecclesia. Item Mathias Longus obligatur michi unum florenum, quem lego ecclesie mee. Item Georgius Cythich obligatur michi duos florenos, quos legavit quedam Ana, quibus idem Cicich eidem Ane obligabatur, eosdem lego dicte ecclesie mee. Item Petrus de Iaworowcz obligatur mihi unum florenum testamentalem, quem similiter lego ad ecclesiam meam. Item Benedictus preco obligatur michi duos florenos testamentales, de quibus unum misit Piukowich, alium quidam Ztoyak, quibus idem preco eisdem obligabatur, quos similiter lego ad ecclesiam meam. Item nobilis Gaspar de Kandalowcz obligatur ecclesie mee tribus florenis. Item Petrus Katho obligatur ecclesie mee unum florenum. Item Paulus Pethicz obligatur unum florenum, quem similiter lego ecclesie mee. Item nobilis domina Lucia de Halesewcz obligatur unum florenum dicte ecclesie mee. Item Briccius Magnus similiter obligatur ecclesie mee unum florenum. Item cum predictis debitis concordat quedam cedula condam domini Valentini predecessoris mei de manu sua propria. Item legendam meam in pargameno lego ad predictum monasterium heremitarum. Alter autem liber in monasterio existens, nomine manipulus curatorum, est mihi in pignore pro uno floreno, qui si redimetur per dominum Georgium Halews, idem florenus detur ad predictum monasterium. Item quendam parvum libellum in pargameno, nomine Iacobinus, lego ad dictum monasterium. Item tunicam novam non subductam, qua corpus meum aperietur, si de hac vita decessero, lego ad monasterium. Item tunicam veterem lego domino Georgio Halews, alia vero vestimenta, videlicet subam de pellibus vulpinis et tunicam subductam similiter in pellibus vulpinis et palium, committo, ut executores vendant et solvant debita et faciant peracciones. Item duo pulvinaria cooperta et duos cussinos lego ad dictum monasterium pro quiete hospitibus necessarios. Item duas scultellas et duas minores plumbeas et duo cantra similiter plumbea lego ad dictum monasterium. Item quidam homo de Crisio dedit mihi unum florenum pro milio, qui si venerit, exsolvant eum, si vero medio tempore non venerit, extunc executores eundem debeant contentare. Item obligor Valentino Hobeticz, prediali de Iwanicz duos florenos, quos executores exsolvant. Item nobilis Gregorius de Borsowcz obligatur mihi sex florenos, quos lego fratribus de Waralya. Item nobilis Georgius Wagowich obligatur mihi duos florenos, quos lego predictis Benkoni et Dorothee. Item condam Martinus colonus heremitarum legavit mihi unum florenum, quem fratres heremite recipiant et orent deum pro anima sua. Item idem condam Martinus legavit unum equellum, qui detur ad fabricam capelle penes ecclesiam meam. Item clenodia domus, demptis suprascriptis, videlicet currus duos cum pertinenciis, scultellas, coklearia (!), discos, pulvinaria et alia omnia, que nulla hic inveni, sed omnia de novo aquisivi, lego ecclesie mee. Item medietatem seminature lego ecclesie mee, aliam medietatem successori. Item fateor in verbo veritatis, quod ad culturam vinearum in istis novem annis, quibus hic resedi, exposui plusquam quinquaginta florenos in prompta pecunia, quia quatuor vineas inveni penitus desertas et parvum fructum exinde percepi. Item tres vineas propriis laboribus et expensis aquisivi et ecclesie mee in perpetuum appropriavi. Item iura ad predium meum habentur in ladula et examinentur, cui pertinebunt, illi dentur. Item alias erat lis inter me et dominum Michaelem plebanum de Sancto Dominico pro desolacione molendini et piscine, sed quia coram egregio domino Stephano patrono meo fuit facta concordia, ut idem dominus Michael deberet dare quinque florenos pro predicta desolacione, sed quia eosdem dedit et per mandatum eiusdem domini Stephani, domini mei cum eisdem quinque florenis disposui molendinum et piscinam. Insuper ad eandem piscinam emi pro duobus florenis de piscibus.” Tanuk, kik a végrendeletet pecsétjeikkel is megerősítették, a következő nemesek: Laczowich György, Horzowa-i Magnus Balázs, Kamarcza-i Mihály és András, Martinowcz-i Mihály, Halews György, Orozowcz-i Fich Máté. - A végrendelet végrehajtói: Imre alesperes, szentbenedeki plébános, Lőrinc, a Szt. István tiszteletére épült Rakithnicza-i egyház plébánosa, a csázmai prebendariusok dékánja, Antal csázmai prebendarius, Wagowicz György csázmai predialista, Iakopowcz-i Péter, Dénes, Márton jobbágy testvére. Papíron, aljára nyomott gyűrűspecsétek nyomával. - Ugyanott fogalmazványának töredéke. Streza. - Regeszta forrása: Publikált regeszta (Mályusz Elemér): LK 6 (1928) 161-162-163
|
Közgyűjteményi portál