DIPLOMATIKAI LEVÉLTÁR (Q szekció) • Kincstári levéltárból (E) • MKA, Acta Paulinorum (Q 312) • 35633
| DL-DF | 35633 |
| Keltezés | 1461-06-30 |
| Kiadó | SZENTJERNEI KUSCHER MÁTÉ SZLAVÓN BÁNI BÍRÓ |
| KUSCHER MÁTÉ /SZENTJERNEI/ SZLAVÓN BÁNI BÍRÓ | |
| Régi jelzet | Q 312 / KÖRÖS 2 7 DIPLOMATIKAI LEVÉLTÁR (Q szekció) • Kincstári levéltárból (E) • MKA, Acta Paulinorum (Q 312) |
| Fennmaradási forma | Eredeti |
| Pecsét | Alul 06 |
| Regeszta | (Körös, fasc. 2. nr. 7.) Nos Mathey Kuscher de Zenth Jerney iudex et commissarius per magnificum dominum Jan Zagorie comitem, necnon regni Sclavonie banum in hac parte deputatus, memorie commendamus per presentes, quod cum nos per commissionem et mandatum eiusdem domini bani quedam querimonia et querulaciones per nobilem dominam Agnes vocatam, relictam condam Nicolai de Dyankowcz eidem magnifico domino Jan, Zagorie comiti et regni Sclavonie bano factas super nobiles viros Benedictum filium Nicolai de Dyakowcz, Matheum litteratum, alterum Mathiam Laurencii, Emericum Galli, Adrianum Marci, Johannem filium eiusdem et Valentinum filium Mathey de eadem dolose et fraudulenter porrexisset, quod iidem supradicti Benedictus, Mathey, alter Mathey, Emericus, Adrianus, Johannes et Valentinus memorate domine, necnon Stephano filio eiusdem diversa dampna et nocumenta per vicecomites et alias iniurias et obprobria intulissent, eadem domina et Stephanus filius eiusdem litteras eiusdem domini bani nobis preceptorie loquentes apportare studuit et notificare, quod nos memorate domine et Stephano filio suo ex parte iamfatorum nobilium virorum, si sic est, uti nobis conquestum extitit et querulatum, meram et omnimodam satisfaccionem auctoritate antefati [domini] bani nobis in hac parte attributa impendere deberemus Unde nos hiis perceptis volentes obedire mandatis ipsius domini bani, ut t[enem]ur, feria tercia proxima post festum beati Johannis baptiste proxime preteritum per commissionem predicti domini bani in hanc villam Dyankowcz convenissemus et convocatis partibus et auditis eorundem proposicionibus, tunc inter cetera pro maiori certitudinis veritate assumptis circa sese iudicibus nobilium, necnon egregiis et nobilibus viris Nicolao Mikchecz de Cirquena, Ladislao Zalan de Dubowcz, Petro de Orehowcz, Demetrio litterato de Nemes et Jankone de Erdowcz, necnon convocatis vicinis et commetaneis earundem parcium universis et interrogatis ad fidem eorum deo debitam, ut quidquid ipsi partes inter predictas scirent seu noscerent, omnes dicere seu enodare deberent et tenerentur. Qui quidem vicini et commetanei eorundem universi nobis sunt attestati eomodo, quomodo prefati nobiles viri Benedictus, Mathey et alter Mathey, Emericus, Adrianus, Johannes et Valentinus ad scitum eorum nullo unquam tempore ipsis domine relicte Nicolai et Stephano filio eiusdem nulla dampna, nec nocumenta neque per vicecomites et neque iudices nobilium sive et alias nullas vituperaciones non fecissent, neque intullissent et nec in posterum intullere (!) niterentur. Ideo nos eosdem nobiles viros Benedictum, Matheum, alterum Mathiam, Emericum, Adrianum, Johannem et Valentinum invenimus penitus ignocentes et inmunes, ymmo in his omnibus accionibus et aquisicionibus pretitulate domine et Stephani filii sui invenimus iustos. Sed quia nos his non contenti unacum iudicibus nobilium et nobilibus viris talem inter partes ipsas propter bonum pacis et tranquillitatis unionem ordinavimus et fecimus unionem pacificatis prius partibus ipsis, quod si que parcium temporum in processu in alter alterutrum qualescunque vituperaciones seu dehonestaciones aut dampna seu nocumenta qualitercunque nuncupata parti altere inter se quoquomodo fecerit seu porrexerit, si talis pars super partem alteram sibi tale dampnum seu nocumentum per ipsam inferentem cum duobus, tribus seu quatuor fidedignis testibus attestari poterit, extunc talis pars contra partem alteram in sex marcis denariorum et in sex iudicibus nobilium pro t[unc] constitutis convincatur et convinci debeat eo facto, ad quamquidem eedem partes in alterutrum sponte et beniv[ole sese] obligarunt coram nobis testimonio presencium [mediante], quas sigillis egregiorum et nobilium virorum videlicet Mathey Kuscher de Zenth Jerney, [Nicolai Mikch] ecz de Cirquena, Ladislai Zalan de Dubowcz, Petri de Orehowcz, Demetrii litterati [de Nemes et J]ankonis de Erdowcz in patentibus consignare faciendo eisdem partibus duximus [concedendas a]d cautelam. Datum aput Ze[nth Jer]ney feria tercia proxima post festum beati Johannis [baptiste an]no domini millesimo quadringentesimo sexagesimo primo. Igen szakadozott papíron, nyílt alakban, a szöveg alatt hat gyűrűspecsét nyomával. - Regeszta forrása: Publikált regeszta (Mályusz Elemér): LK 8 (1930) 93-94-95 |
Tartalomgazda
ⓒ Copyright Info: A digitális tartalmak publikálása kizárólag a tartalomgazda beleegyezésével történhet. Kérését, megjegyzését a „Kapcsolatfelvétel” gombra kattintva küldheti el az adott intézménynek.
Közgyűjteményi portál